YAYO DAPORTA PARTICIPARÁ NO ACTO CULINARIO NO ANIVERSARIO DA CONSTITUCIÓN

A Delegación do Goberno en Galicia acolle o luns, 10 de decembro, ás 11,00 horas un acto no que tres "referentes da gastronomía" galega repasarán a historia do mundo da cociña, nunha actividade incluída nos actos conmemorativos do 40 aniversario da Constitución. Ante decenas de alumnos das diferentes escolas de hostalería da zona, Héctor López, Juan Crujeiras e Yayo Daporta falarán sobre a súa experiencia nos fogóns e a evolución ao longo dos últimos anos. A actividade contará coa presenza do delegado do Goberno, Javier Losada. Baixo o título 'A gastronomía galega en 40 anos de Constitución', a actividade estará aberta ao público ata completar aforamento. Con todo, xa está confirmada a asistencia de alumnos de varias escolas de hostalería. Os participantes son Héctor López, do restaurante 'España', en Lugo; Juan Crujeiras, do restaurante ' Bido', na Coruña, e Yayo Daporta, do restaurante que leva o seu nome, en Cambados.