TINO CORDAL NOMEADO VICEDECANO DA UNIVERSIDADE DE VIGO EN ASUNTOS ECONÓMICOS

O Concelleiro de Somos Cambados, Tino Cordal, nomeado Vicedecano da Universidade de Vigo en Asuntos Económicos durante os vindeiros tres anos. Tino Cordal presentouse na candidatura do Decano de Ciencias Sociais e da Comunicación Xosé Baamonde que foi reelixido por terceira vez cun amplo respaldo de preto do 90% do profesorado, persoal de administración e servizos e alumnado presente este mércores na Xunta da Facultade. O profesor do Departamento de Comunicación Audiovisual e Publicidade Xosé Baamonde foi reelixido decano de Ciencias Sociais e da Comunicación, que leva ao fronte do centro desde decembro de 2015. O equipo que acompañarán a Baamonde na súa xestión completase cos docentes Tino Cordal, Diana Ramahí, José Pita, Paulino Pérez e Mabel Míguez, e a súa candidatura, a única presentada no proceso electoral aberto neste centro, recibiu 44 votos a favor e 5 en contra. Baamonde, que asume un novo período de tres anos á fronte da facultade á fronte dun equipo renovado, no que só o profesor José Pita continúa como vicedecano de Mobilidade e Alumnado. Súmanse ao mesmo o edil de Somos Cambados, Tino Cordal como vicedecano de Asuntos Económicos, Diana Ramahí como vicedecana de Calidade, Paulino Pérez como vicedecano de Comunicación, e Mabel Míguez como secretaria académica. Entre os obxectivos para este período están o de analizar a posibilidade de dobres graos que contribúan a unha maior capacitación dos graduados así como mellorar na calidade e excelencia da Universidade de Vigo e reforzar as campañas de captación de alumnado.