UNHA PRESENTACIÓN DOCE E CON GLAMOUR

O Parador de Cambados acolleu este fin de semana un auténtico acto social, coa presentación da nova marmelada de camelia e espumoso de Albariño que acaba de poñer no mercado a marca pontevedresa La Mariquita de Azúcar, debido a que ademais dun par de soberbias maridaxes deste cremoso doce con queixo branco e mesmo con algunha conserva de peixe que se ofreceu nesta cita, a propia Yolanda Bóveda Díaz, xerente da firma, resultou a anfitrioa perfecta para agasallar aos amigos, distribuidores, hostaleiros, políticos -como membros da corporación cambadesa, ou algún directivo da asociación de Amigos do Camiño que non faltaron a este encontro. Con este novo produto, que en principio só ten como destinatarios ás tendas gourmets e á restauración, A Mariquita de Azúcar consolida a súa innegable vocación respecto da innovación de sabores e maridaxes diferentes e únicos, pero sempre a partir de materias primas de moi alta calidade e unha elaboración puramente natural. Así, a pesar da mocidade que ten a marca no mercado, xa se converteu en referencia á hora de poñer énfase nas novidades que aparecen neste sector. Con estas características e sempre falando de producións curtas, a marca lanzou marmeladas estupendamente acollidas polo consumidor como a de froitos vermellos & Moët Chandon, peras ao viño tinto, piña e canela, laranxa amarga e chocolate ou kiwi, entre outras. Riseiro sempre, Yolanda recoñece que esta novidade engádese á gama de produtos e sabores que puxo no mercado “pero sempre -recoñece- tentando repetir e recuperar aqueles máxicos momentos á beira da miña avoa cando facía os biscoitos, tostadas ou marmeladas caseiras”.