NOVA EDICIÓN DO PREMIO "ÁLVARO CUNQUEIRO"

O Concello de Lalín -en colaboración coa Facultade de Ciencias da Comunicación da USC, a Facultade de Ciencias Sociais e da Comunicación da Universidade de Vigo, a Facultade de Ciencias da Comunicación da Universidade da Coruña, así como asociacións gastronómicas galegas- convoca o XXIV Premio Nacional de Xornalismo Gastronómico Álvaro Cunqueiro, recoñecido como o premio gastronómico máis importante do Estado. Poderán tomar parte no devandito concurso os escritores, xornalistas e particulares que publicasen artigos, libros, entrevistas, reportaxes, viñetas, fotografías, come
ntarios, etc. -en galego ou en castelán- nos distintos medios de comunicación, sobre temas relacionados coa gastronomía galega nos últimos 2 anos. Ademais, poderán tomar parte os estudantes de Xornalismo, Publicidade e Comunicación Audiovisual que presenten os seus traballos académicos relacionados coa gastronomía.

O xurado nomeado para o efecto, que estará formado por xornalistas de medios de comunicación de Galicia e representantes das institucións colaboradoras, seleccionará os traballos que considere merecedores dos premios tendo en conta en primeiro lugar a súa calidade xornalística, pero tamén a súa difusión. Ademais, considerarase un mérito engadido a súa referencia ao Cocido de Lalín. O prazo para a presentación dos traballos finalizará o día 22 de decembro de 2017.

Haberá un primeiro premio, dotado con 3.000 euros; e un segundo, de 1.000 euros, para os traballos presentados por profesionais, e un único premio -tamén de 1.000 euros- ao mellor traballo académico -prensa, radio, televisión e web- dedicado á gastronomía presentado por alumnos de Xornalismo, Publicidade e Comunicación Audiovisual de toda a xeografía estatal. O fallo do xurado darase a coñecer publicamente nun acto programado para o efecto en Lalín con anterioridade á celebración da L Feira do Cocido, que terá lugar o día 4 de febreiro de 2017.