En O Pombal viviuse un dos partidos máis incribles do que levamos de tempada 17/18 da LEB Plata. Dous equipos que xogaron un gran baloncesto, unha actuación individual doutra galaxia e unha prórroga na que se anotaron 35 puntos entre os dous conxuntos. Un partido dos que fan afección (se non hai xa suficiente na localidade da Ría de Arousa) que serviu para terminar coa imbatibilidade dunha HLA Alacante que demostrou ser un grandísimo equipo. Grandes actuacións de Will Saunders (42 de valoración), Samuel Barros (18 puntos), Álvaro Lobo (18) ou Pedro Rivero (16) e un triplo desde máis de 8 metros para levar o partido á prórroga. No tempo extra os locais (aínda coa euforia do triplo) iniciárona cun parcial de 11-1 definitivo.
A clave: Will Saunders asinou un deses partidos históricos, chegando aos 38 puntos (con seis triplos incluído o que levou o partido á prórroga sobre a bucina) e 12 rebotes para un total de 42 puntos de valoración.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.