MAL TEMPO NA PRÓXIMAS HORAS

Nas vindeiras horas empeorará o tempo na faixa costeira de Galicia. Ás malas condicións no mar, hai que engadir un aumento das precipitacións, especialmente na zona costeira da provincia da Coruña. Así, o tempo inestable aumenta os riscos, tanto se imos ao volante como se nos animamos a dar un paseo pola rúa. Dende o 112 Galicia lembrámosche que, ante estes casos, cómpre tomar algunhas medidas preventivas. Infórmate de como vén o tempo na túa zona. Se non tes outra opción que coller o coche, pon toda a túa atención sobre o asfalto, xa que as precipitacións poden ocasionar bolsas de auga ou desprendementos de terras. Antes de iniciar a túa ruta consulta o estado da circulación na DXT(Ábrese nunha nova xanela). 

Ademais, toma boa nota dos seguintes consellos:

• Se a chuvia che resta visibilidade mentres conduces, aparta ao arcén, pon as luces de emerxencia e agarda a que a situación mellore
   
• Abandona o vehículo se a auga xa chegou ao eixo, mesmo se quedou inmobilizado e sobe moito o caudal
   
• Afástate de pontes, ríos e zonas susceptibles de asolagarse
   
• Non tentes atravesar espazos inundados
   
• Se vas pola rúa presta moita atención aos obxectos que o vento pode tirar dos balcóns e fiestras
   
• Se detectas algún sumidoiro atoado e hai risco de inundación avisa aos efectivos de emerxencias
   
• Se necesitas axuda chama ao 112