CONTROLADA A VERTEDURA PROVOCADA POLO ACCIDENTE DE ONTE

O persoal de Portos de Galicia confirma que teñen acoutada a vertedura provocada polo vehículo que onte caeu ao mar en Cambados.

As barreiras anticontaminación e o material absorbente que aplicaron manteranse, como mínimo, ata o vindeiro luns, cando examinen de novo o estado da mancha.

A vertedura foi provocada por un coche que caeu á auga esta mañá. No interior, ían dúas persoas que foron rescatadas e trasladadas ao centro hospitalario de referencia con síntomas de hipotermia.

O CAE 112 Galicia rexistrou o accidente as 10:30 horas de hoxe.

Polo que respecta aos feridos as novas non son tan boas como este mediodía parecía. A situación dos pacientes é grave.

O home de 68 anos de idade, que responde á identidade F.V.F, e a muller de 67, con iniciais C.C.P, atópanse en estado grave na Unidade de Coidados Intensivos do Hospital Montecelo de Pontevedra tras ser trasladados desde o Hospital do Salnés despois de precipitarse co seu coche ao mar no porto de Cambados (Pontevedra).

Así o relataron fontes do Hospital do Salnés, onde foron evacuados cun cadro severo de case ahogamiento. Posteriormente, ambos foron trasladados ao Hospital Montecelo, onde se atopan na UCI con ventilación mecánica.

Ambos padecen contusións e traumatismos diversos debido ao impacto ao caer co seu coche á auga. En concreto, o suceso ocorreu na mañá deste venres e as vítimas foron rescatadas por tres persoas particulares que paseaban polo lugar e lanzáronse á auga, segundo relataron fontes de Protección Civil.


Tras ser sacadas da auga, foron trasladados ata ao Hospital do Salnés en dúas ambulancias asistenciais que se desprazaron ata o lugar do sinistro. Ata alí, tamén se desprazou un médico de Atención Primaria de Cambados, así como membros de Protección Civil e dos Bombeiros da localidade.