"CAMBADOS PODE" AO BORDE DO PRECIPICIO

Fontes moi de fiar fíxéronnos chegar unha información que pode facer "tambalear" os cimentos dunha das formacións que integran o goberno cuatripartito de Cambados. 
Segundo estas fontes o partido liderado por José Ramón Abal, está nestes intres baixo mínimos. Non hai contacto entre os compoñentes de lista que acadou un concelleiro na corporación cambadesa hai 13 meses. 
O líder da formación independente prometera reunións entre os membros da candidatura cada certo tempo e desde que se celebraron al eleccións as reunións celebradas son inexistentes. Membros destacados da candidatura presentaron a súa dimisión, entre eses membros atópase a número dous do partido, deixando a Cambados Pode como unha pantasma.



Cambados Pode naceu como un partido independiente, pero as vinculacións de Abal co PP sembraron as dúbidas. Sua irmán fora concelleira co PP e o seu pai creara outro partido independiente hai uns anos que acabou por naufragar, volvendo á casa "popular".


Desde o seu nacemento o seu líder pasou polo xulgados  polo caso da fuga dun control policial, e que destapou en exclusiva este blog, por aqueles feitos José Ramón Abal foi condenado a pagar 180 euros de multa (por estar no paro, neses intres), a metade do que pedía o fiscal, por unha falta de desobediencia. Ademais, tivo que pagar as costas.

E máis recentemente está demandado polos familiares de un blogger (a demanda foi posta inicialmente polo blogger e tras falecer foi a súa familia quen continuou co proceso) por unhas acusacións publicadas no facebook de Cambados Pode contra ese blogger.