VOANDEIRA: POUCA CANTIDADE BOA CALIDADE NO PRIMEIRO DIA

Comezou a campaña da voandeira na ría de Arousa. Un cento de embarcacións de Rianxo e Cambados saíron nesta primeira xornada ao mar. Malia que as mostraxes apuntan a que non hai moita cantidade de produto, os mariscadores aseguran que polo menos nestes inicios a calidade é moi boa, polo que pode acadar bos prezos no mercado.

Satisfacción nesta primeira xornada da campaña da voandeira para a frota do bou de vara e do 'talibán' de Cambados e Rianxo. 

Malia que as mostraxes apuntan a que non haberá moita cantidade, os mariscadores aseguran que o produto está a ser de moi boa calidade.

Os mariscadores agardan que esta calidade poida compensar a escaseza do produto e salvar a campaña acadando uns bos prezos no mercado.

Para esta campaña as confrarías de Rianxo e Cambados fixaron uns topes de 35 quilos por persoa e un máximo de tres tripulantes por embracación. En canto ás vendas acordaron centralizar en Cambados a voandeira destinada ás fábricas, mentres que a fresca será comercializada en ambas lonxas.