O FESTIVAL DO NORTE A PIQUES DE PECHAR CARTEL

 Glass Animals

Os británicos Glass Animals, os madrileños Los Punsetes ou os  barceloneses   Standstill e Dorian son algunhas das primeiras confirmacións do cartel do Festival do Norte, que se celebrará os días 3, 4 e 5 de xullo na Illa de Arousa, unha situación á que se trasladou na pasada edición.

Entre estas primeiras confirmacións, a organización do festival tamén anunciou a presenza de artistas como Grupo de Expertos Solynieve, Javiera Mena, Neil Halstead, Other Lives, Broncho, Cooper, Trajano, Alex Casanova ou Cazador.
As entradas poñeranse á venda o próximo 22 de maio, con prezos que irán dende os 30 ata os 45 euros a medida que se vaia achegando a celebración do festival. O festival contará con tres escenarios, entre os que destaca unha novidade: a presenza de actuacións en directo en diferentes locais do municipio.