A Xunta trasladou ao sector marisqueiro da Ría de Arousa que existen causas obxectivas técnicas de forza maior para proceder ao peche das zonas de produción dos Lombos do Ulla, Bohído e Cabío. Así mesmo, trasladóuselle tamén que debe ser o propio sector quen o acorde e proceda a solicitalo de xeito formal e conxunto.
Na reunión analizouse o estado de produción das zonas de libre marisqueo dos Lombos do Ulla, Bohído e Cabío, chegándose á conclusión de que non é óptimo. Os informes técnicos indican que habería posibilidades, por causas naturais e non previsibles de forza maior, de proceder ao peche dos Lombos do Ulla, que implicaría o peche das demais zonas de libre marisqueo xa que se trata dunha xestión conxunta.
O sector vaise reunir para avaliar esta situación e ver a posibilidade de presentar unha solicitude —que ten que ser conxunta— para o peche destas zonas de produción.
Xunta, respecto ás xestións a levar a cabo no futuro sobre esta cuestión, estase a deseñar unha actuación en varias fases, cuxo primeiro paso é un estudo das condicións das distintas zonas e o deseño das actuacións necesarias para a súa recuperación. Unha vez rematada esta primeira fase, volverase a convocar ao sector para acordar as distintas actuacións que propoñan os técnicos e acometelas antes do inicio da próxima campaña de libre marisqueo (en outubro próximo).
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.