XUVEN CAMBADOS SEGUNDA AVENTURA NA LEB PRATA

Cambados e O Pombal volverán experimentar sensacións de Prata. Tras cecáis pagar o pato da inexperiencia no debut, o grupo de Yago Casal (quinta tempada no club) afrontará a súa segunda aventura en Prata cos deberes máis feitos e con xogadores importantes da campaña pasada levando o timón dentro e fóra do vestiario. Cambados incorporou a medio plantilla nova e ademáis estranxeira, o que levará o seu proceso de adaptación. Con sabor internacional, Xuventude Cambados mantén a metade do plantel da campaña anterior, pero o dobre de ilusión por facer un bo papel e cecáis esta vez si, alcanzar os playoffs.

O HISTÓRICO CHUFI, UN ANO MÁIS

O buque insignia da categoría, Alberto "Chufi" Rodríguez -xogador con máis partidos da historia na Adecco Prata-, volverá bailar na pintura con 39 anos e tras unha tremenda tempada o ano anterior, con varios MVP. Será un dos catro xogadores de orixe española integrados nunha plantilla, con pouco sabor hispano. Baixo os aros terá o apoio neste caso de dous xogadores da canteira de Breogán e Estudantes de Lugo: Nkaloulou e Nakidjim, do Congo e Chad, aínda que ambos levan anos en España. O segundo estivo nas categorías inferiores do Real Madrid e posteriormente do Estudiantes de Madrid. No caso do cubano Taylor, cumprirá a súa sexta tempada no club, polo que o seu papel de foráneo é moi relativo. 

AS PROBAS, POSITIVAS

Tres amistosos xogou xa o equipo de Yago Casal en pretemporada, cunha vitoria e dúas derrotas. Estas últimas foron ante os rivais veciños da Adecco Ouro e competindo de forma máis que notable. De feito, Cambados caeu na Copa Galicia ante Ourense na prórroga, e ante Básquet Coruña tamén realizou un gran papel. Este fin de semana tocará o Barcelos de Portugal e posiblemente antes de que empece a competición o 4 de outubro, o conxunto cambadés realizará algunha proba máis, que aínda non ten confirmada.  

PRETEMPORADA:
Arrancou o día 25 de agosto. 
De momento, 4 amistosos previstos. Aparte un encontro co Obradoiro a porta pechada
Cambados 50 – Dragon Force Oporto 48
Cambados 68 – COB 79 (Copa Galicia)
Básquet Coruña 71 – Cambados 66 
Barcelos Portugal – Cambados hoxe.

ALTAS:
Quintela, Ramljak, Bolin, Nkaloulou, Green y Nakidjim
BAIXAS:
Merino, A. García, Mamadou Diop, Mato, Caetano, Rey, Mbagne Diop  

NOMBRE	ALT	IDADE	POSTO	NAC	PROCE
Juan Martín Orellano	1,99	25	base	ARX/ESP	Cambados
Lucas Vaquero	1,85	25	base	ESP	Cambados
Taylor Douglas	1,82	27	base-escolta	CUB	Cambados
Emilio Oubiña	1,82	24	escolta	ESP	Cambados
Alberto Rodríguez	2,04	39	pívot	ESP	Cambados
Erik Quintela	1,85	23	base	ESP	Maia Basket
Tim Whitworth	1,91	23	alero	USA/SUE	Suecia
Askel Bolin	2,00	24	alero	NOR	N. Illinois
Charles Nkaloulou	2,02	20	ala-pívot	CON	Breogán
Placide Nakidjim	2,06	20	pívot	CHA	Estudiantes
Will Green	2,00	23	ala-pívot	USA	Stetson U.
Adestrador: Yago Casal		5ªtempada