EN LIBERDADE CON CARGOS O AUTOR DA ESPECTACULAR FUXIDA DO DOMINGO

O condutor que o domingo pola mañá foi detido pola Garda Civil de Tráfico tras eludir un control e dar positivo por drogas e alcohol quedou en liberdade con cargos tras pasar a disposición xudicial o luns pola mañá. Trátase dun veciño de Vilagarcía, de 32 anos e iniciais J.L.C.B., e no momento do seu arresto conducía un turismo marca Peugeot.
A detención produciuse o domingo pola mañá, cando  Cambados preparábase para celebrar o día grande da Festa do Albariño. Segundo explicou a Garda Civil axentes do destacamento de Tráfico  montaran un control na estrada PO-549 (Vilagarcía-Cambados) e deron ao alto ao vilagarcián.
Pero este fixo caso omiso da orde e, segundo a Garda Civil, emprendeu a fuxida, chegando a circular en sentido contrario por varias rúas. Finalmente foi arrestado tras saírse da vía na Pacheca, unha rúa sen saída nas proximidades da avenida da Pastora.