O ALCALDE MINTE CON RESPECTO AO CUARTEL DA GARDA CIVIL

Un dos rogos e preguntas presentados onte no Pleno do Concello de Cambados, surxiu a raíz dunha pregunta presentada no Pleno de Decembro, non contestada, que se levou como queixa ó Valedor do Pobo. O Concello contestou esta pregunta ó chegar o requerimento deste órgano, dicindo que o Cuartel non se arranxou porque debido á herdanza recibida, non hai cartos. (A resposta na foto de abaixo).
Esta resposta foi recibida polo grupo socialista o 2 de maio.
Tras elo fíxose esta pregunta no Senado en Madrid por parte dunha senadora socialista.

O comunicado ó Concello da decisión da Garda Civil de construir un novo cuartel na localidade prodúcese o 23 de febreiro de 2007.

O Concello de Cambados tarda un ano e dous meses en presentar o Proxecto básico e 5 meses máis en presentar o Proxecto de execución.

Dous meses despois a Garda Civil devolve o proxecto para correccións. O Concello de Cambados tarda 10 meses en facer as correccións.

4 meses despois a Garda Civil reclama o proxecto en CD. 7 meses despois chega o cd no Servicio de Acuartelamiento ( estamos falando do 3 de agosto do 2010).

Ano 2011 cambio no goberno central, mandato de Mariano Rajoy, durante todo este ano non se recibe nada referente ó arranxo do Cuartel nin por parte do Concello nin por parte do Goberno central.

Ata o 17 de xaneiro do ano 2012, dous anos despois, non se recibe na Dirección Xeral o escrito do arquitecto municipal, dicindo básicamente q o proxecto é irrealizable, un mes despois, transmítese ó Concello a necesidade de actualizar o proxecto.

A última actuación foi o 20 de abril de 2012 e di textualmente “se remite al Ayuntamiento de Cambados memoria de necesidades para el acuartelamiento”.

Ata día de hoxe, dous anos despois, o Goberno non ten constancia de máis comunicación referentes a este tema.

Surxen moitas dudas, sobre todo a de porqué os senadores do partido popular votaron en contra da enmenda para o arranxo do cuartel, e a de porqué ó Concello de Cambados desistiu  nas súas actuacións.

A resposta escrita da Alcaldía ás preguntas feitas por este grupo no Pleno de decembro de que o goberno do PSOE en épocas de bonanza esqueceu dita actuación e que o goberno actual ten que facer fronte á herdanza recibida xa non é válida no momento en que se pon de manifesto que é este Concello o que foi retrasando anos esta obra. En concreto, desde que se comezaron as actuacións,  7.  

7anos de retraso.

No próximo Pleno, os socialistas voltarán a presentar  de novo estas preguntas por escrito.