TEATRO CARACOL ESTREA "BICHO" O DIA 1 DE ABRIL

A compañía cambadesa amateur de teatro Caracol porá en escea a partir do 1 de abril a obra "Bicho". Ata o día 11 dese mes pasarán polo salón de actos do IES Asorey os escolares de toda a comarca arousana que así o desexen.

O público xeral terá que esperar para ver a obra ata o domingo 6 de abril, onde están programadas dúas funcións en horario de 18:00 e 20:30 horas.

A compañía de teatro Caracol está formada por 20 persoas entre actores e equipo técnico. Eles son os responsables de facer realidade esta divertida obra na que o público será cómplice e partícipe dalgunhas das aventuras que vivirán estes disparatados e divertidos exploradores.
A directora da veterana compañía afeccionada de Cambados explica que "Bicho" está baseada nunha montaxe da compañía madrileña Illana Teatro, titulada "Zoo". "Vinlles na Mostra de Teatro de Ribadumia e parecéronme moi bos. Logo busquei máis cousas súas en Youtube e púxenme en contacto con eles", explica González.

"Bicho" é a historia de catro exploradores que se internan na selva en busca dun animal en perigo de extinción, e en canto penétranse nese espazo "pásalles de todo". "É unha obra para rirse desde que entras ata que sales do teatro", engade Olga González.

Ademais, dáse a particularidade de que os actores interactúan co público, de modo que "un día a obra pode durar unha hora e dez minutos, e outro día hora e media". Finalmente, Olga González avisa ao público de que "este ano rompemos con todo. Temos grandes sorpresas". Estes días os membros de Caracol -unha das compañías afeccionadas máis veteranas de O Salnés- ultiman os ensaios. O que xa está terminado é o exuberante decorado.

Unha anterior montaxe de CARACOL TEATRO

Xa estan a venta as entradas para o público en xeral da obra de teatro "BICHO" da compañia Caracol, podedes adquirilas en SANSATUR e CHINELAS.