ACTIVIDADES DE VERÁN PARA XÓVENES DE 18-30ANOS

A OMIX de Cambados da conta da convocatoria  de prazas para actividades de moz@s de 18 a 30 anos

ACTIVIDADES

Conecta con Galicia

Programa rotatorio de convivencia entre participantes galegos e da Galicia exterior, coa finalidade de lles dar a coñecer a realidade galega de xeito lúdico a través de experiencias nas que eles sexan os protagonistas. 

ACTIVIDADES DA 1ª QUENDA

Cultura e camiño. Coñecemento do patrimonio histórico cultural da zona de Lugo. Percorrido de etapas do Camiño de Santiago (Camiño Francés), ata Compostela.

O mar de Galicia. Coñecemento do medio mariño a través das actividades relacionadas co mar. 

Aloxamento:

Días 1.º ao 6.º: Residencia Xuvenil LUG II (Lugo).

Días 7.º ao 12.º: Albergue Xuvenil Gandarío (Bergondo). 

CÓDIGOS	QUENDAS	COTA
271001	1 – 12 xullo	120 €
Teléfonos	982 294 251 - 982 294 923
Fax	982 294 339
Correo	xuventudelugo@xunta.es

 

ACTIVIDADES DA 2.ª QUENDA

Cultura e camiño. Coñecemento do patrimonio histórico cultural da zona de Ourense. Percorrido de etapas do Camiño de Santiago (Vía da Prata ou Sanabrés) ata Compostela.

O mar de Galicia. Coñecemento do medio mariño a través das actividades relacionadas co mar. 

Aloxamento:

Días 1.º ao 6.º: Residencia Xuvenil Florentino López Cuevillas (Ourense).

Días 7.º ao 12.º: Albergue Xuvenil Gandarío (Bergondo).

CÓDIGOS	QUENDAS	COTA
321001	15 – 26 xullo	120 €

 

Teléfonos	988 386 120 - 988 386 116
Fax	988 386 119
Correo	servicio.xuventude.ourense@xunta.es

Travesía Náutica Xacobea

Esta travesía rememora a peregrinación de San Francisco de Asís e a Traslatio do apóstolo a Santiago de Compostela por mar e, posteriormente, ata Santiago de Compostela por terra.
O obxectivo do programa será unir distintas vilas de portos coa tradición Xacobea, mediante o desenvolvemento e a educación de todas aquelas persoas con ganas de coñecer e achegarse ao mar.

Dentro das actividades que se van desenvolver durante a travesía, participarase en distintos labores integrándose na tripulación, con monitores e mariños expertos que ensinarán procedementos e as distintas tarefas que se levan a cabo nunha embarcación de vela de grande eslora: faladoiros sobre temas de actualidade marítimos, aparellos, seguridade marítima, meteoroloxía, nodería, navegación nocturna, manobra, cociña etc.

Percorrido

Saída do porto de Ribadeo baixando ata as Rías Baixas, pasando por Ortigueira, Ares, Camariñas, Portosín e Cabo de Cruz.
Recolleranse os/as tripulantes en catamarán e realizarán a suba do río Ulla ata Padrón para realizar o último tramo da peregrinación ata Santiago de Compostela, onde se celebrará unha misa do peregrino.

Entregarase un pasaporte Náutico para selar nos distintos portos e dúas certificacións da Peregrinación: a Compostela (outorgada pola catedral de Santiago) e a Cotolaya (outorgada pola Orde Franciscana), a aquelas persoas que realizasen un mínimo de 90 milla náuticas e rematen a travesía.

 

Aloxamento
Goleta Nieves
Non inclúe o traslado ata o porto de saída nin as comidas en terra.

 

Condicións de participación:

Os/As persoas participantes comprométense a respectar as normas e instrucións da organización no transcurso da travesía e poderán ser expulsados/as do programa no caso de incumprilas.

CÓDIGOS	QUENDAS	COTA
271002	6-10/12    xullo	125 €

 

Instrucións para realizar o pagamento:

O pago farase mediante o impreso de taxa. Consulta aquí as instrucións.

 

Teléfonos	982 294 251 - 982 294 923
Fax	982 294 339
Correo	xuventudelugo@xunta.es