O PSOE DE CAMBADOS DENUNCIA O DIFÍCIL QUE É TRANSITAR POLAS RUAS DO POBO

O Concello de Cambados volve a deixar de lado os colectivos de cidadáns mais necesitados de axuda, neste caso a aqueles con problemas de mobilidade.  

  As beirarrúas da rúa O Grove que se construíron recentemente non cumpren cas medidas mínimas para que (tal e como pide a Lei) poidan ser empregadas por todos os cidadáns, incluídos aqueles que necesitan de unha cadeira de rodas ou para quenes se desprazan con nenos pequenos que precisan silla ou ir da man. Además nesta zona as beirarrúas están construidas a pedazos, polo que hai que ir subindo e baixando constantemente delas.

   Esta mesma situación tamén se da na rúa Sevilla, onde se aparca ós dous lados, e a práctica inexistencia de beirarrúas, fai que os peóns se teñan que inxeniar unha solución cada vez que quere pasar algún coche, meténdose nun recuncho entre os que están aparcados ou facendo esperar ós vehículos que queren pasar.

   Estes problemas coas beirarrúas non acaban ahí. Ademáis, o propio Concello decicíu reducir aínda mais o espazo colocando elementos do mobiliario urbano que prácticamente fan intransitable o paso por algunhas beirarrúas: por toda a avenida de Vilagarcía, son moitos os tramos nos que as beirarrúas son moi estreitas e aínda enriba teñen farolas no medio destas, outros tramos desta mesma rúa están inclinados e hai vexetación de fincas privadas que invaden a beirarrúa, impedindo o paso por elas.

  Varios veciños desta zona puxéronse en contacto nos últimos días co grupo municipal socialista para amosar a súa preocupación pola situación que están a vivir: en moitas ocasións, os peóns vense obrigados a invadir a estrada ó non existir ningunha zona habilitada para eles co conseguinte risco que isto conleva xa que lembramos que é unha estrada moi transitada por vehículos por ser un dos principais accesos a Cambados, peor aínda se temos en conta que algúns veciños deben facer este tramo con nenos.

   Dende o PSOE de Cambados esixen que se tomen medidas canto antes para coidar a seguridade vial dos peóns, o eslabón mais débil da seguridade vial e polo que debería velar principalmente o Concello de Cambados.