UN ESTUDO CORROBORA QUE A DEREITA E A ESQUERDA POLITICAS PENSAN DE FORMA DIFERENTE

Os políticos liberais e os conservadores usan diversas zonas do cerebro para evaluar riscos e tomar decisións, afirman científicos británicos nun artigo publicado na revista PLoS One. Darren Schreiber, do Colexio de Exeter da Universidade de Oxford, e os seus colegas chegaron a tal conclusión ao estudar como funciona o encéfalo de varios representantes dos partidos republicano e demócrata de EEUU durante un xogo de azar. Nos republicanos activábase máis a amígdala, que responde polas reaccións ás ameaza ou o estrés. Pero o cerebro dos demócratas rexistraba máis fortes impulsos na zona que controla a conduta social e a autoconciencia. Anteriormente, diversos neurólogos lograron demostrar que a afiliación a un partido político depende dos xenes. Este recente estudo permitiu a Schreiber afirmar que a militancia nun partido ou o seu apoio pode modificar o funcionamento do cerebro humano e actúa como un factor máis forte que as peculiaridades xenéticas.