ENTRE CASTAÑAS E CEFALÓPODOS

Un grupo de representantes de mariñeiros afectados pola crise do caladoiro Mauritano, encabezados polo sindicalista Xavier Aboi, agardaron a Rosa Quintana, conselleira do Mar, á saída dun acto celebrado no Centro Forestal de Lourizán.

O encontro provocou un careo que se desenvolveu, por momentos, en términos especialmente contundentes.
Aboi, acompañado de tripulantes dos barcos cefalopoderos, mantivo unha tensa conversación na que reprocharon a Xunta e Goberno de incumprir un compromiso polo cal ían convocar a unha reunión a todo o sector, "alguén nos engañou, non sei se foron os armadores pero os tripulantes tamén somos o sector e nós non fumos", unha acusación rebatida pola conselleira, " a min me dixeron que houbo esa reunión".

Nuns días en que o Parlamento Europeo debate en comisión o futuro do sector, Rosa Quintana pediu paciencia aos afectados, "na comisión mixta púxose na orde do día a petición de España a necesidade de convocar o comité científico para discutir o estado real dos cefalópodos, cando teñamos datos volos pasarei".

Quintana, en declaracións previas, defendeu a presión que asegura están exercendo para tumbar o novo acordo pesqueiro con Mauritania, "estamos a exercer presión ao máis alto nivel. Entendemos que foi un mal acordo, demasiado custoso para a Unión Europea".

Este improvisado debate tivo lugar ao término dun acto celebrado no Centro Forestal de Lourizán, onde a conselleira acudiu para, entre outras cousas, clausurar un acto-presentación dun estudo sobre a castaña e a súa importancia na economia galega.





Técnicos deste centro experimental, desenvolveron unha minuciosa selección entre as múltiples especies existentes nos bosques galegos, para potenciar e optimizar a comercialización dun produto que supón un ingreso de 25 a 3Ou millóns de euros na balanza comercial galega, cunha colleita de 15 a 20 toneladas anuais, que resultan -a día de hoxe- totalmente insuficientes para atender a demanda do mercado.



AQUI O SON DE RADIO PONTEVEDRA (CADENA SER)