ORDENANZA REGULADORA PARA O USO DAS PRAIAS DO GROVE

A Lanzada

Que todos poidan gozar das praias en condicións óptimas e velar pola súa utilización racional. É o dobre obxectivo da ordenanza reguladora do uso das praias que prepara o goberno local de O Grove. Unha normativa que, incluso antes de aprobarse, está causando unha gran polémica no municipio. E é que se pretende regular todo tipo de comportamentos dos bañistas e usuarios destes arenais.

Segundo o goberno municipal, esta ordenanza que se prevé aprobar no próximo pleno da corporación, pretende deixar claro os dereitos e obrigacións dos cidadáns. A intención desta nova normativa, que entraría en vigor xa de cara á próxima Semana Santa, é protexer o medio natural, un dos principais activos turísticos do municipio, e que se respecte e coordine a actividade de bañistas, deportistas e demais usuarios.

En liñas xerais, o Concello de O Grove declara as súas praias "libres, públicas e gratuitas". O paseo, a estancia e o baño pacífico na praia e o mar terán preferencia sobre calquera outro uso. Por iso, entre outras medidas, todo tipo de xogos e actividades deportivas poderanse realizar sempre que non causen molestias a outros e non se permitirá o emprego de aparellos sonoros ou instrumentos musicais cuxo volume poida molestar ás demais persoas.

Ademais, quedará totalmente prohibido realizar lumes, directamente sobre a area, pedras ou rochas, salvo en eventos autorizados, impídese o uso de bombonas de gas e o emprego de líquidos inflamables, os verquidos ao mar de calquera natureza desde embarcacións, motos acuáticas ou artefactos flotantes e tampouco se permitirá cociñar na praia nin utilizar bengalas ou material pirotécnico que non sexa o de emerxencia.

Tampouco estará permitido, salvo que o Concello habilite unha praia para iso, que os animais de compañía poidan entrar nos arenales en horario de baño. E estará terminantemente prohibido o estacionamento e circulación de vehículos en praias e zonas de dunas, así como a instalación de tendas de campaña e navegar, en todo caso, a menos de 200 metros da costa.

Pero son varios os aspectos que espertaron a polémica. Por unha banda, dentro das normas básicas de uso, declárase a guerra ao nudismo. Estará prohibido naquelas praias que teñan a consideración de arenais urbanos e en todas aquelas que non estean debidamente habilitadas e sinalizadas para ese uso. Incumplir esta norma ten un custo. Será considerada unha falta leve e conlevará unha multa que pode oscilar entre os 60 e 300 euros.

É a mesma sanción que se quere impoñer a aqueles que non respecten outra das prohibicións. Dentro das denominadas normas higiénico-sanitarias establécese que non está permitida a evacuación fisiológica no mar ou na praia, advertíndose de que o Concello poderá dotar ás praias de aseos fixos ou temporais para unhas boas condicións hixiénicas.

Neste sentido, queda tamén prohibido calquera acto que ensucie as praias. Prohíbese tirar nelas ou nos seus inmediaciones calquera tipo residuo, incluso os orgánicos, e quedará prohibido lavarse no auga do mar utilizando xabón, champú, xel ou produtos similares. Tampouco se poderán utilizar as duchas e demais mobiliario urbano para un uso non habitual, sancionando a quen xoguen, pinten ou se laven con produtos de hixiene persoal.

Son as principais normas que recolle esta nova ordenanza municipal. Aínda que tamén determina unha serie de obrigacións para o Concello de O Grove. Principalmente, refírese á progresiva incorporación de socorristas en praias que non sexan Bandeira Azul, a correcta señalización dos arenais e os seus servizos públicos, ou ao dereito dos usuarios de estar permanentemente informados do estado de calidade das augas.

E a pregunta é, quen vixiará que se cumpra esta ordenanza? 

 En principio, os axentes da Policía Local verán ampliadas as súas funcións. Pero haberá máis responsables. Naquelas praias nas que exista servizo de vixilancia, o persoal e o voluntariado de Protección Civil e Urxencias colaborará e apoiará ás autoridades para dar cumprimento ao establecido na nova normativa.

En base a esta ordenanza reguladora do uso das praias, as infracciones leves carrexarán multa de 60 a 300 euros, as graves, de 301 a 1.500 euros, e as consideradas moi graves poden supoñer unha sanción de entre 1.501 e 3.000 euros.