NOVO COMISO DE MARISCO NA RIA

Axentes do Servizo de Gardacostas de Galicia, dependente da Consellería do Medio Rural e do Mar, comisaron 384 quilos de ameixa e berberecho nun labor de inspección desenvolvido esta madrugada no Grove.

Berberecho comisado anteriormente

Nas actuacións os axentes inspeccionaron un vehículo e fixéronse con 200 quilos de berberecho, 110 quilos de ameixa xapónica e 74 quilos de ameixa babosa.  A mercadoría carecía de documentación que especificase a súa procedencia.

Desde a Consellería do Medio Rural e do Mar lembra á cidadanía que o consumo de marisco extraído e comercializado de xeito ilegal pode supor un risco para a saúde ao non ter pasado ningún tipo de control que o avale. Por iso, o departamento que dirixe Rosa Quintana pide ao consumidor que non compre produto fóra dos cauces legais de comercialización.