JORQUERA DILLE NON A BEIRAS

En menos de 24 horas o candidato do BNG á Presidencia da Xunta, Francisco Jorquera, respondeu ao portavoz nacional de Anova, Xosé Manuel Beiras, que "non pode ser" que "persoas que romperon a unidade agora pretendan erixirse en paladines" dela e lembrou que "en Galicia xa existe unha fronte ampla de esquerdas, o Bloque Nacionalista Galego".

Desta maneira manifestouse o tamén deputado no Congreso tras ser preguntado polos medios de comunicación sobre as declaracións do histórico galeguista Xosé Manuel Beiras, que, tras abandonar o Bloque hai meses,  apelou a CxG, EU e BNG para formar unha "ofensiva electoral" contra o Partido Popular.

A este respecto, o dirixente nacionalista ha asegurado "ter a sensación de que algunhas persoas que no seu momento optaron por abandonar o BNG agora empezan a ser conscientes de que ese paso, neste momento, ao único que beneficia é ao PP".

Con todo, opinou que "en política, como na vida, débese ser serio", polo que, ao seu xuízo, "non pode ser que as persoas que romperon a unidade agora pretendan erixirse en paladines da unidade".

Así mesmo, indicou que "non é tempo agora de falar de experimentos" e destacou que o BNG "está centrado no que hai que estar" e que, como apuntou, "é servir aos intereses de Galicia e articular alternativas aos problemas" da sociedade.

Ademais, na súa intervención, o dirixente nacionalista  contrapuxo que, fronte á necesidade de crear unha ofensiva electoral contra o PP, "xa existe unha fronte ampla de esquerdas" que, como apuntou, "é o Bloque Nacionalista Galego".

"En BNG é o referente inequívoco en Galicia do nacionalismo e da esquerda e a única alternativa ás políticas de recortes que o PP leva a cabo na Xunta e o Goberno central", subliñou Jorquera antes de considerar "non entendible" que persoas que abandonaron o BNG agora apelen a situacións de emerxencia que xa existían para falar de unidades que eles contribuíron a romper".

Por último, asegurou non prexulgar malas intencións" nesta decisión, pero indicou que a escisión "dotou de argumentos á estratexia do PP" que, como apuntou, consiste en "tentar presentar a falsa imaxe de que non hai alternativa posible".