MENOR INDEPENDENCIA DOS CONCELLOS PEQUENOS, MAIS PODER PARA AS DEPUTACIONS

O Governo de Mariano Rajoy quere adelgazar a Administración pública en España, unha das esixencias que puxo sobre a mesa a Comisión Europea para ampliar ata o 2014 o prazo para reducir o déficit ao 3 %.

O presidente do Goberno podería detallar hoxe no Congreso a decisión de arrebatar o groso das súas competencias aos concellos de menos de 5.000 habitantes que non poidan financiar todos os servizos que prestan aos cidadáns. Dende o Ministerio de Facenda destacan que moitos destes consistorios, que suman o 84 % dos 8.117 concellos de España, non puideron acollerse ao plan de pagamento de acredores posto en marcha polo Goberno porque non foron capaces de presentar nin un orzamento completo.
A medida afectaría en Galicia a 199 concellos, o 63 % do total, segundo os datos do padrón do 2011 que manexa o Instituto Galego de Estatística. Estes concellos agrupan ao 16 % da poboación galega, en total, a 459.000 habitantes.


Máis recortes


Dolores de Cospedal achandou este luns pasado o camiño coa confirmación dalgúns aspectos da reforma da Administración pública que nin os membros do Executivo atrévense a desvelar, coma ven sendo habitual. A secretaria xeral do PP confirmou que o Goberno aprobará un ambicioso recorte do persoal de empregados públicos. Dentro desta reforma da Administración, incluirase un importante apartado en relación cos concellos. Detallou que en España existe un municipio por cada 5.000 habitantes fronte aos 15.000 de Estados Unidos ou os 10.000 de Alemaña. Das palabras da número dous do PP enténdese que o Goberno prevé potenciar o papel das deputacións, liquidar mancomunidades e rebaixar o número de concelleiros e deputados provinciais. Nos concellos que deban ceder competencias manteríanse alcaldes e concelleiros, pero sen soldo.