PONTEVEDRA-SALNÉS: A FIN DA QUINTA ONDA PARECE CERCANO

Coronavirus Pontevedra-Salnés: 8  contaxios novos e baixan a 263 os casos activos

A área sanitaria de Pontevedra e O Salnés continúa mellorando a súa situación

A área sanitaria de Pontevedra e O Salnés segue restando casos activos e hoxe por primeira vez rexistra menos de 10  contaxios desde a quinta onda, marcando un novo mínimo de 8 e facendo que descenda a media diaria dos últimos 7 días a 13.

Nas últimas 24 horas producíronse 8  contaxios novos e 46 altas, o que fai que descendan en 38 persoas os casos activos, pasando de 301 a 263.

Incidencia: Casos por 100.000 habitantes nos últimos 14 días nos concellos do Salnés:

Cambados                       3 22

Illa de Arousa               3 61

Meaño                       3 57

Meis                               3 63

O Grove                      11      103

Ribadumia                       3 59

Sanxenxo                     19       110

Vilagarcía de Arousa     22 59

Vilanova de Arousa       3 29

Aumenta lixeiramente a incidencia en Pontevedra cidade pero mantense como máis baixa de Galicia. Xa hai catro municipios con incidencia cero: Cerdedo-Cotobade, Campo Lameiro, Barro e Portas.

O número de pacientes hospitalizados mantense en 9 persoas, distribuídas en 8 pacientes no  CHU de Pontevedra (4 en planta e 4 na UCI), 1 en planta no Hospital Público  do Salnés e 1 no  Quirónsalud Miguel Domínguez.

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.299 casos de coronavirus, con 202 falecementos, 20.834 altas e 263 casos activos nestes momentos.