PONTEVEDRA-SALNÉS: PROLONGA A CURVA DESCENDENTE NA QUINTA ONDA

A quinta onda da pandemia prolonga a curva descendente na área sanitaria de Pontevedra e O Salnés. No inicio dunha fin de semana festiva ante o que se extreman os controis, os datos publicados este sábado polo Sergas constatan un novo descenso dos casos activos, e bastante maior que na xornada anterior, porque se sitúan en 1.640, que son 169 menos. A clave está na elevada cifra de altas da xornada: 234.

Superan así amplamente aos novos positivos, que son 63, unha cifra similar á do venres, cando se sumaron 66, e a distancia dos máis de cen do xoves.

Incidencia: Casos por 100.000 habitantes nos últimos 14 días nos concellos do Salnés: Tan so Meis e O Grove superan os 500 casos de incidencia.

Cambados 63 458 Illa de Arousa 19 386 Meaño 15 285 Meis 26 543 O Grove 74 695 Ribadumia 12 238 Sanxenxo 84 484 Vilagarcía de Arousa 150 400 Vilanova de Arousa 24 233

Tras o repunte deste venres, agora tamén descende a cifra de persoas hospitalizadas, a 31, dúas menos. Sete están na Uci de Montecelo e o resto en planta. Repártense entre o Complexo Hospitalario Universitario de Pontevedra, onde están a ser atendidos 22, un menos que, o Hospital do Salnés uno, fronte aos dous do venres e outro no Hospital QuirónSalud Miguel Domínguez. Desde o inicio da alerta sanitaria han superado o virus 18.653 pacientes na área de Pontevedra e O Salnés e faleceron 193 persoas. En apenas once días de agosto faleceron sete persoas ingresadas en Montecelo que foran diagnosticadas por coronavirus, fronte ás seis de xullo. En xuño houbo un único falecemento e en maio foran catro.