PONTEVEDRA-SALNÉS: A PESAR DE SUBIR OS CONTAXIOS, BAIXA O TOTAL DE ENFERMOS

Coronavirus Pontevedra-Salnés: 101 novos infectados e baixan a 1.825 os casos activos A área sanitaria pontevedresa aumenta en contaxios respecto a onte, pero segue restando casos activos A área sanitaria de Pontevedra e O Salnés segue mellorando rapidamente e restando numerosos enfermos, a pesar de que os 101 contaxios de hoxe son máis do dobre que os 49 de onte. O xoves pasado foron 143, polo que se mantén por baixo da semana pasada. Nas últimas 24 horas producíronse 101 contaxios novos, unha defunción e 182 altas, o que fai que descendan en 82 persoas os casos activos, pasando de 1.907 a 1.825. Incidencia: Casos por 100.000 habitantes nos últimos 14 días nos concellos do Salnés: Cambados 73 531 Illa de Arousa 28 568 Meaño 23 436 Meis 26 543 O Grove 90 845 Ribadumia 12 238 Sanxenxo 119 686 Vilagarcía de Arousa 164 438 Vilanova de Arousa 26 252 Aumenta de novo a incidencia en Pontevedra cidade e a veciña Marín, algo que non pasaba desde hai varios días, pero a tendencia segue sendo moi boa e hai moitos menos contaxios na última semana que na anterior. O Grove segue sendo o municipio de maior incidencia da área sanitaria. O número de pacientes hospitalizados baixa de 31 a 28 persoas, distribuídas en 28 pacientes no CHU de Pontevedra (22 en planta e 6 na UCI), ningún en planta no Hospital Público do Salnés e ningún no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 20.355 casos de coronavirus, con 192 falecementos, 18.338 altas e 1.825 casos activos nestes momentos.