PONTEVEDRA-SALNÉS: A ÁREA SEGUE BATENDO RECORDS POSITIVOS

Coronavirus Pontevedra-Salnés: 17 novos enfermos e baixan a 634 os casos activos.

Novo mínimo de contaxiados desde o pico da quinta onda na área sanitaria, que segue mellorando rápidamente. A área sanitaria de Pontevedra e O Salnés segue mellorando rapidamente e está preto de pasar a ser a área menos afectada de toda Galicia. Os contaxios chegan a un novo mínimo desde o pico da quinta onda, e son case a metade que os 32 do domingo pasado. Nas últimas 24 horas producíronse 17 contaxios novos, 1 falecemento (un home de 85 anos ingresado no Complexo Hospitalario de Pontevedra (CHOP)). e 71 altas, o que fai que descendan en 55 persoas os casos activos, pasando de 689 a 634. Incidencia: Casos por 100.000 habitantes nos últimos 14 días nos concellos do Salnés: Cambados 15 109 Illa de Arousa 3 61 Meaño 3 57 Meis 3 63 O Grove 11 103 Ribadumia 3 59 Sanxenxo 51 294 Vilagarcía de Arousa 50 133 Vilanova de Arousa 3 29 Segue baixando a incidencia da cidade de Pontevedra e na área sanitaria xa non queda ningún municipio con máis de 500. O número de pacientes hospitalizados baixa de 19 a 18 persoas, distribuídas en 13 pacientes no CHU de Pontevedra (8 en planta e 5 na UCI), 4 en planta no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.120 casos de coronavirus, con 200 falecementos, 20.286 altas e 634 casos activos nestes momentos.