UN ACCIDENTE EN VILAGARCÍA PROVOCA A MORTE DUN HOME

Os Bombeiros excarceran a unha persoa falecida en Vilagarcía tras envorcar e caer por un terraplén o vehículo que conducía

A vítima e único ocupante do vehículo tivo que ser excarcerada polos Bombeiros de Vilagarcía.

O 112 Galicia tivo constancia do accidente grazas a unha persoa particular que chamou para pedir axuda. Indicaba que un coche acababa de saírse da vía ao seu paso por Sobrán, en Vilagarcía de Arousa. Ademais de asegurar  que o turismo caera por un terraplén e envorcara, indicaba que no seu interior había un home atrapado.  

De inmediato, desde o 112 Galicia púxose en marcha un dispositivo no que interviñeron ademais do persoal do Servizo de Urxencias Sanitarias de Galicia-061, os Bombeiros do Salnés, a Garda Civil de Tráfico, a Policía Local e os efectivos do Servizo de Emerxencias da localidade.

Con todo, unha vez no punto, nada se puido facer por salvarlle a vida ao condutor.

Os Bombeiros confirmaron a excarceración do home e único ocupante do turismo.