CORONAVIRUS GALICIA: MÍNIMO ANUAL DE CONTAXIOS, ENFERMOS ACTIVOS E HOSPITALIZADOS

Coronavirus Galicia: Mínimo anual de 69 contaxios e 1.851 casos activos

A semana conclúe co menor número de contaxios desde o verán 2020 e o mínimo de casos activos, hospitalizados e infectados de 2021. O coronavirus segue remitindo en Galicia día tras día e hoxe non só chegamos a un novo mínimo de casos activos no ano 2021, do mesmo xeito que onte e antonte, senón tamén a un mínimo de novos casos, soamente 69, a guinda a unha semana na que os novos diagnósticos de coronavirus volveron a baixar drasticamente. De luns a domingo diagnosticáronse 620 novos casos de COVID-19, unha media de menos de 90 ao día e 230 menos que os 850 da semana pasada. É a mellor semana desde agosto de 2020. Todas as áreas sanitarias melloran, e hoxe destaca a de Vigo, que tan só rexistra 6 novos infectados. A situación hospitalaria empeora respecto a onte, cos mesmos ingresados, pero 2 máis en UCI e 2 menos en planta. O total de pacientes é inferior en 33 persoas a fai sete días. Hai unha semana había 117 hospitalizados en Galicia divididos en 89 pacientes de planta e 28 de UCI, e hoxe son 84 en total, con 69 en planta e os outros 15 na unidade de críticos (2 máis que onte). Vigo, Santiago de Compostela e A Coruña son as áreas máis afectadas. Santiago rexistra 10 contaxios e baixa a 324 casos activos. A área herculina baixa a 333 casos activos, con 21 contaxios. Vigo rexistra só 6 contaxios e baixa a 488 casos activos. Estes son os datos máis relevantes de hoxe: Os novos infectados son menos que onte (de 106 a 69) e 55 menos que os 124 do domingo pasado. Vigo é a área sanitaria máis afectada de Galicia con 488 casos activos, e Pontevedra é a cidade con máis incidencia, con 83. A Coruña é agora a de menor incidencia con 47. Os casos activos baixan de 1.945 a 1.851, un descenso de 94 infectados. Mantéñense en 84 as persoas hospitalizadas, 33 menos que hai unha semana. A incidencia a 14 días baixa de 58 a 54 e a incidencia a 7 baixa de 25 a 23. Hoxe domingo son 55 diagnósticos menos que o domingo 30 de maio, procedendo dun número de probas case igual. Os 69 casos novos de hoxe son o 1,92% de diagnósticos positivos de 3.585 probas PCR, mentres que os 124 do domingo pasado eran o 2,14% de positivos de 5.779 tests. Na web de datos do Sergas di que nas últimas 24 horas confirmáronse 74 casos de COVID-19 por PCR, pero a diferenza entre o total de infectados desde o inicio da pandemia de hoxe (127.394) e o de onte (127.325) é de 69 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 69 novos casos de SARS- CoV-2 e 163 altas, o que fai que descendan en 94 persoas os casos de coronavirus, pasando dos 1.945 de onte aos 1.851 de hoxe. O total de hospitalizados mantense en 84 pacientes, 2 máis na UCI e 2 menos en planta. O pasado domingo eran 117 hospitalizados, 33 máis que hoxe. O total de casos de coronavirus contabilizados polo Sergas desde o inicio da pandemia é de 127.394. Todas as áreas sanitarias melloran Hoxe de novo todas as áreas sanitarias melloran. Vigo é a área máis afectada de Galicia con 488 casos activos (-46), seguida da Coruña con 333 (-9), Santiago con 324 (-11), Lugo con 240 (-5), Pontevedra con 212 (-10), Ourense con 158 (-1) e Ferrol con 96 (-12). Pontevedra é a cidade máis afectada de Galicia con 83 de incidencia. Incidencia nas cidades A Coruña: 47 (-4) Ferrol: 59 (=) Lugo: 62 (=) Ourense: 71 (+4) Pontevedra: 83 (-10) Santiago: 59 (-1) Vigo: 76 (-10) Novos contaxios por área sanitaria A Coruña: 21 Ferrol: 2 Lugo: 14 Ourense: 11 Pontevedra: 5 Santiago: 10 Vigo: 6 Total: 69 O total de falecementos desde o inicio chega a 2.426 persoas, ningunha máis nas últimas 24 horas, e son 1.807 desde a nova normalidade, superando os 619 da primeira onda. O total de hospitalizados é de 84 (=), divididos en 15 (+2) na UCI e 69 (-2) en unidades de hospitalización. O total de probas PCR realizadas é de 2.278.324, delas 3.585 nas últimas 24 horas, cun 1,92% de positivos. Esta semana terminou sendo a de menos infectados de todo o ano 2021, mellorando con fartura a última semana. Producíronse 620 contaxios de luns a domingo, 230 menos que os 850 da semana pasada. As últimas semanas terminaron con 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.