A XUNTA NON ANUNCIA CAMBIOS NAS RESTRICIÓNS NIN NOS MUNICIPIOS GALEGOS

-O comité clínico reunirase o próximo partes de novo para analizar a situación epidemiolóxica na comunidade

A Consellería de Sanidade non anunciou cambios nas restricións en materia sanitaria este venres tras a reunión do comité clínico. Os expertos reuniranse de novo o martes da próxima semana para analizar a evolución epidemiolóxica de Galicia e os seus concellos co obxectivo de determinar un posible endurecemento ou flexibilización das medidas establecidas controlar a pandemia por coronavirus. Precisamente, o Tribunal Superior de Xustiza de Galicia (TSXG) acaba de autorizar xudicialmente as restricións propostas pola Xunta o pasado 26 de maio. A resolución do alto tribunal galego, notificada hoxe, permite a publicación das novas medidas no Diario Oficial de Galicia (DOG), polo que entrarán en vigor ás 00.00 horas do día seguinte ao da súa difusión e prolongaranse ata as 00.00 horas do 12 de xuño. A sección terceira da Sala do contencioso-administrativo avala a prohibición de reunións entre non conviventes entre as 01:00 e as 06:00 en toda a comunidade autónoma, mentres que os encontros o resto do tempo limítanse a seis persoas no interior e a dez no exterior. Lobios, A Pobra do Caramiñal e Mos, doutra banda, entran en nivel máximo de restricións e estarán con peche perimetral e sen hostalería desde mañá.