PONTEVEDRA-SALNÉS: VOLVE A BAIXAR O NÚMERO DE ENFERMOS ACTIVOS

Coronavirus Pontevedra: 112 contaxios novos e baixan a 2.526 os casos activos

Terceiro día consecutivo de mellora na área sanitaria de Pontevedra e O Salnés. Terceiro día consecutivo de mellora na área sanitaria de Pontevedra e O Salnés, que mantén un alto número de casos activos pero parece que deixou definitivamente de empeorar. Os 112 contaxios novos de hoxe é unha cifra moi inferior aos 168 do domingo pasado, e de feito a menor cantidade de contaxios desde os 88 do 20 de xaneiro. Nas últimas 24 horas producíronse 112 contaxios novos e 148 altas, o que fai que baixen en 36 os casos activos, pasando de 2.562 a 2.526. Casos e Incidencia acumulada por 100.000 habitantes a 14 días en o Salnés:

Cambados 55 400

Illa de Arousa 24 487

Meaño 34 645

Meis 34 710

O Grove 44 413

Ribadumia 36 713

Sanxenxo 186 1 072

Vilagarcía de Arousa 203 542

Vilanova de Arousa 47 456

Aumenta a incidencia tanto en Pontevedra cidade como en Poio, e mantense moi elevada en Forcarei e Soutomaior. A parte do Salnés -exceptuando Sanxenxo- segue sendo a menos afectada da área sanitaria, pero os seus datos son igualmente altos, con 542 de incidencia en Vilagarcía de Arousa. Cambados aumenta en 2 os casos ata 61, despois da baixada de onte tras 2 semanas de subidas continuas. O número de pacientes hospitalizados baixa de 130 a 128 persoas, distribuídas en 106 pacientes no CHU de Pontevedra (83 en planta e 23 na UCI), 11 no Hospital Público do Salnés e 11 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 11.252 casos de coronavirus, con 128 falecementos, 8.598 altas e 2.526 casos activos nestes momentos.