28 NOVAS MORTES EN GALICIA

A morte de 28 persoas eleva a 1.843 o número total de falecidos por coronavirus en Galicia

Este martes morreron oito persoas e onte 18, dúas das mortes vinculadas a residencias de maiores

Galicia rexistra 28 mortes máis por coronavirus, de xeito que o número total de vítimas alcanza as 1.843 persoas, segundo os datos comunicados este martes polo departamento de Sanidade (que se refire a varios días). Entre estas 28 mortes, hai oito persoas vinculadas a residencias e todas tiñan patoloxías anteriores.

Unha das mortes corresponde ao 22 de xaneiro. En concreto, un home de 100 anos falecido na residencia Paz e Ben de Tui (Pontevedra). Tamén hai unha morte o 28 de xaneiro, un home de 85 anos, falecido na residencia Nosa Señora do Carmen en Sarria. Estas dúas persoas levan as mortes en xaneiro a 402.

O 1 de febreiro houbo 18 falecidos. Dous deles vinculados a residencias: unha muller de 85 anos da DomusVi de Bande (falecida no CHUO) e unha muller de 87 da DomusVi de Ribeira (falecida en Cegadi). O 1 de febreiro houbo seis mortes no CHUAC: unha muller de 64 anos e cinco homes (75, 78, 81, 82 e 83 anos). Dous homes de 75 e 90 anos morreron no CHUO. A lista do 1 de febreiro continúa con: un home de 83 anos (HULA), unha muller de 85 anos (Chuvi), unha muller de 88 anos (CHUS), un home de 92 anos (Clínica Santa Teresa de Ourense), un home de 74 anos (CHOP), un home de 89 anos (CHUF), un home de 86 anos (hospital do Salnés), unha muller de 91 anos (hospital de Verín)

Respecto deste martes, 2 de febreiro, hai oito falecidos: dúas mulleres de 78 e 87 anos faleceron na DomusVi de Carballo; unha muller de 75 anos da residencia Pai Menni de Betanzos (falecida no Chuac); un home de 88 anos da residencia Santa María de Verín (no hospital de Verín). A lista complétase cunha muller de 84 anos e un home de 79 anos, no CHUS; un home de 85 anos no Chuvi; e un home de 81 anos, no CHUF.