A POLICÍA NACIONAL INFORMA COMO EVITAR ESTAFAS TELEMÁTICAS

Debido ao aumento de estafas telemáticas que están a suceder ultimamente na zona, pode tomar nota polo seu coñecemento e seguridade, unha declaración da Policía Nacional onde explican en que consisten e como actuar no caso de que teña algún contacto con este tipo de prácticas.

MODUS OPERANDI:

● Os autores deste tipo de estafas teñen información sobre a vítima, obtida previamente mediante técnicas de enxeñaría social (redes sociais

enquisas sociais, telefónicas, etc.).

● O modus operandi lévase a cabo a través dunha chamada telefónica ou correo electrónico no que os delincuentes se fan pasar por técnicos de

coñecidas empresas tecnolóxicas.

● Informan á vítima de que o seu ordenador puido ser pirateado ou infectado por malware.

● Indican que en liña poden proceder a resolver o problema, realizando tamén o mantemento do dispositivo e unha actualización do antivirus.

● Acceden á computadora, solicitando o contrasinal á vítima ou a través dun programa de control remoto descargado pola vítima a petición do "falso técnico".

● Polo servizo prestado, o autor solicita o pagamento dunha cantidade de diñeiro non moi elevada mediante tarxeta bancaria ou transferencia ou cubrindo un formulario cos datos bancarios da vítima, co consecuente dano económico que poida supor.

QUE FACER?

● Non debe dar credibilidade ás comunicacións que ofrecen servizos que non solicitou. En calquera caso, non proporcione datos persoais ou bancarios nin realice ningún pagamento se previamente non solicitou os servizos que supostamente se ofrecen.

● Anota o número de teléfono, o correo electrónico ou a ligazón utilizados polos delincuentes para facilitárllelo á Policía ao presentar a denuncia.

● Se seguiu as súas instrucións e sospeita que foi vítima dunha posible estafa:

✔ Desconecte o equipo da rede para cortar o acceso remoto e evitar que sigan manipulando o equipo.

✔ Desinstale calquera programa que teñamos instalado por consello destas persoas.

✔ Analice a fondo o ordenador afectado cun antivirus.

✔ Cambia os contrasinais almacenados no teu ordenador ou dispositivo.

 En calquera caso, INFORME ☎ 091