PONTEVEDRA-SALNÉS REXISTRA OUTRO FALECEMENTO

Coronavirus Pontevedra: 53 contaxios novos e baixan a 1.200 os casos activos Segue mellorando a área sanitaria de Pontevedra e O Salnés, con menos contaxios e casos activos que a semana pasada. Segue mellorando a área sanitaria de Pontevedra e está a só unha persoa de baixar dos 1.200 casos nos que leva instalada desde o 7 de novembro. A área de Pontevedra e O Salnés está a rexistrar esta semana menos contaxios que a anterior e iso fai que o número de activos sexa inferior en 35 persoas ao do venres pasado. Nas últimas 24 horas producíronse 53 contagios novos, 1 falecemento e 66 altas, o que fai que baixen en 14 persoas os casos activos, pasando dos 1.214 de onte a 1.200 hoxe.

O mapa de incidencia da área sanitaria pontevedresa mostra que os municipios máis afectados son A Lama e Meaño, pero tamén unha alta incidencia en toda a costa que vai desde Vilanova de Arousa ata Pontevedra. Marín e especialmente Bueu teñen unha incidencia menor. O número de pacientes hospitalizados sobe de 60 a 62 persoas, distribuídos en 53 pacientes no CHU de Pontevedra (46 en planta e 7 na UCI), 5 no Hospital Público do Salnés e 4 no Quirónsalud de Pontevedra.  

Na área sanitaria de Pontevedra-O Salnés desde o inicio da pandemia tivo 5.295 casos de coronavirus, con 51 falecementos ( un home de 70 anos que se atopaba ingresado no Hospital de Pontevedra) , 4.044 altas e 1.200 casos activos nestes momentos.