CAMBADOS CHEGA AOS 70 ENFERMOS

Coronavirus Pontevedra: 68 contaxios novos e baixan a 1.213 os casos activos Volve mellorar a área sanitaria de Pontevedra e O Salnés, pero con máis contaxios que o martes pasado. A área sanitaria de Pontevedra e O Salnés segue mellorando e experimenta poucos cambios en xeral, con 20 casos activos menos, pero o número de contaxios novos de hoxe martes é superior ao do martes pasado. Os 68 casos novos de hoxe son un 50% máis que os 45 do 10 de novembro. O único cambio nos niveis de alerta é que Vilanova de Arousa sobe a alerta nivel 2. Nas últimas 24 horas producíronse 68 contaxios novos e 88 altas, o que fai que baixen en 20 persoas os casos activos, pasando dos 1.233 de onte a 1.213 hoxe. O único cambio nos niveis de alerta por municipios hoxe é que Vilanova de Arousa sobe a alerta laranxa. Alerta nivel 3 (vermella): Cambados (70 casos, +3), Marín, Poio, Pontevedra, Sanxenxo e Vilagarcía de Arousa. Alerta nivel 2 (laranxa): Meis, O Grove, Ribadumia e Vilanova de Arousa. Alerta nivel 1 (amarela): Bueu, Caldas de Reis, Cerdedo-Cotobade, Cuntis, Meaño, Soutomaior . O número de pacientes hospitalizados sobe de 70 a 72 persoas, distribuídos en 52 pacientes no CHU de Pontevedra (48 en planta e 8 na UCI), 11 no Hospital Público do Salnés e 5 no Quirónsalud de Pontevedra. A área sanitaria de Pontevedra-O Salnés desde o inicio da pandemia tivo 4.600 casos de coronavirus, con 43 falecementos, 3.344 altas e 1.213 casos activos nestes momentos.