TRAS UNHA SEMANA DE BAIXADA VOLVE SUBIR O NÚMERO DE ENFERMOS EN GALICIA

Os casos activos de coronavirus volven á tendencia alcista polo efecto arrastre da área sanitaria ourensá: este luns, de acordo co último balance da Consellería de Sanidade, sitúanse en 4.101, cando a véspera mantíñanse en 4.038. O salto é de 63 casos activos. Tendo en cuenta que as altas rexistradas nas últimas 24 horas son 189, o incremento de contaxios volve superar folgadamente a barreira dos 200. Por que este incremento? A resposta volve estar en Ourense. Esta área, onde a Xunta foi endurecendo progresivamente as restricións nas últimas semanas, confírmase como a máis castigada de toda Galicia, con 1.037 casos activos, 91 máis que o día anterior. Tendo en conta que nas últimas 24 horas producíronse 24 altas e na tarde do domingo notificáronse dous falecementos, o aumento de infectados é de 117. Nesta área hai 73 ingresados, dos que 7 están en Coidados Intensivos. No resto de áreas, a situación é a seguinte: A Coruña, 820 casos activos (+1); Lugo, 495 (+2); Pontevedra, 685 (-4); Vigo, 419 (-26); Santiago, 528 (-2); e Ferrol, 117 (+1). Variacións non demasiado amplas, aínda que destaca novamente o bo comportamento da área viguesa. En canto á situación asistencial, hai 37 enfermos en UCI (+1) e 204 en planta (+12), con 3.860 persoas pasando a enfermidade nos seus domicilios (+50). O total de falecidos desde o inicio da pandemia sitúase en 757, con 20.170 curados.