PONTEVEDRA-SALNÉS SUPERA O MÁXIMO DE ENFERMOS ACTIVOS

Coronavirus Pontevedra-Salnés: 61 contaxios novos e soben a 838 os casos activos

Pontevedra rexistra o seu máximo de casos activos superando o do rebrote do pasado setembro. Segue empeorando a área sanitaria de Pontevedra e O Salnés e hoxe supérase o anterior máximo de 833 rexistrado o pasado setembro, e por tanto o máximo histórico de toda a zona. Nas últimas 24 horas producíronse 61 contaxios novos e 7 altas, o que fai que suban en 53 persoas os casos activos, pasando dos 785 de onte a 838 hoxe. En canto aos niveis de alerta, seguen os mesmos cinco municipios en alerta vermella, Cambados sobe a alerta laranxa e Bueu sobe a alerta amarela. Alerta nivel 3 (vermella): Marín, Poio, Pontevedra, Ribadumia e Vilagarcía de Arousa. Alerta nivel 2 (laranxa): Cambados (26 casos, 3 máis que onte) Cerdedo-Cotobade e Cuntis. Alerta nivel 1 (amarela): Bueu, Caldas de Reis, O Grove, Sanxenxo, Vilaboa e Vilanova de Arousa. O número de pacientes hospitalizados sobe de 54 a 58 persoas, distribuídos en 53 pacientes no CHU de Pontevedra (45 en planta e 8 na UCI), 3 no Hospital Público do Salnés e 2 no Quirónsalud de Pontevedra. Na área sanitaria de Pontevedra-O Salnés desde o inicio da pandemia diagnosticáronse 3.245 casos de coronavirus, con 30 falecementos, 2.377 altas e 838 casos activos nestes momentos.