NÚMERO DE ENFERMOS CONFIRMADOS E PERSOAS EN CORENTENA NOS CONCELLOS DO SALNÉS

Estos son os datos detallados por municipios que os alcaldes da comarca coñeceron hoxe oficialmente por primeira vez tras a reunión por videoconferencia que mantiveron co xerente da área sanitaria e o director xeral de Sanidade. 

Ademáis, segundo explicou ao remate da reunión a Presidenta da Mancomunidade do Salnés, Marta Giraldez, a Consellería de Sanidade comprometeuse a informar por vía telefónica diariamente aos alcaldes sobre o número de casos nos seus respectivos municipios, estean ou non baixo as restriccións especiais nas que entraron hoxe Sanxenxo e Meis e que se prolongan en Vilagarcía e Vilanova.

Deste xeito, Sanidade atende a petición dos alcaldes da Mancomunidade que se reunían o pasado domingo de xeito urxente  para consensuar unha solicitude formal ante a Xunta en demanda de información diaria.

"Veuse que esa reunión serviu para algo", dixo a Presidenta da Mancomunidade.

A maiores, os responsables do Sergas e os alcaldes manterán encontros semanais por videoconferencia, cada martes e xoves, para facer o seguimiento da evolución da pandemia na comarca.

O conxunto da comarca do Salnés rexistra este xoves 179 casos activos de covid e 276 persoas en corentena, pendentes do resultado das PCR,  por ser  contactos asociados.

En concreto, 

Vilagarcía ten 63 positivos, 4 menos que onte, e 90 persoas en illamento 

Sanxenxo, 33 contaxios confirmados, un menos que onte,  e 44 asociados 

Cambados, 22 positivos e  27 contactos  

Vilanova, 20 casos, un máis que onte,  e 29 en illamento 

Meis, 17 positivos e 37 en corentena 

O Grove, 8 activos e 14 asociados

Meaño, 7 positivos e 15 contactos

Ribadumia, 5 confirmados e 10 asociados 

A Illa  ten 4 positivos e 10 en illamento.

Ademais, confírmase que a incidencia da pandemia en Vilagarcía, Vilanova e Meis está vinculada, sobre todo, ao brote detectado na planta de Avigal en Cambados.