CONTINÚA A ESCALADA CON RECORD DE CONTAXIOS

Galicia segue superando os seus rexistros de contaxios e casos activos e hoxe destaca o aumento de contagios na Coruña, Ferrol e Santiago de Compostela. Galicia volve bater récord de novos contaxios de coronavirus en nova normalidade e de casos activos desde o inicio da pandemia, coa alarmante cifra de 532 casos novos, a segunda vez que se supera o medio milleiro de contaxios nesta crise sanitaria do COVID-19. O número de casos activos segue ascendendo e marca un novo máximo con 5.880. Na web de datos do Sergas di que nas últimas 24 horas confirmáronse 514 casos de COVID-19 por PCR, pero a diferenza entre o total de infectados desde o inicio da pandemia de hoxe (31.309) e o de onte (30.777) é de 532 persoas. Do mesmo xeito, os novos contaxios que indicamos por área sanitaria calculámolos do mesmo xeito. Nas últimas 24 horas rexistráronse 532 contaxios de SARS- CoV-2, 9 falecementos e 318 altas, o que fixo que o número de casos activos volva subir en 205 persoas, pasando dos 5.675 de onte aos 5.880 de hoxe. Esta semana xa superou o total de casos activos de toda a semana anterior a falta dos datos de sábado e domingo, e é a peor en nova normalidade. O total de hospitalizados volve chegar a un novo máximo nesta segunda onda, con 373 ingresados, 9 máis que os 364 de onte. O número de casos de COVID-19 en Galicia desde o inicio da pandemia é de 31.309. Gran crecemento de casos na provincia da Coruña Coronavirus A Coruña: 93 contaxios novos e 964 casos activos Coronavirus: Ferrol en alerta vermella, 58 novos contaxios e soben os casos activos a 329 Coronavirus Santiago: Lalín en alerta vermella, 131 contaxios novos e 983 os casos activos Coronavirus Vigo: 71 contaxios novos e soben a 1.005 os casos activos Coronavirus Pontevedra: 60 contaxios novos e soben a 595 os casos activos A alarmante cifra de 532 novos contaxios distribúese por toda Galicia, pero hoxe especialmente na provincia da Coruña. Santiago de Compostela tivo a friorenta de 131 contaxios, A Coruña 93 e Ferrol 58, esta última unha cifra inmensa para tratarse desta área sanitaria. A zona máis afectada de Galicia continúa sendo Ourense, que aínda así mellora e baixa a 1.449 casos (-40), seguida de Vigo con 1.005 (+10), Santiago de Compostela con 983 (+92), A Coruña con 964 (+53), Pontevedra con 595 (+31), Lugo con 555 (+13) e Ferrol con 329 (+46). Novos contaxios por áreas sanitarias A Coruña: 93 Ferrol: 58 Lugo: 49 Ourense: 70 Pontevedra: 60 Santiago: 131 Vigo: 71 Total: 532 O total de mortes en Galicia ascende a 856 despois de 9 falecementos, e xa suma 237 en nova normalidade. O total de hospitalizados é de 373, 9 máis que onte, distribuídos en 48 pacientes de UCI e 325 en unidades de hospitalización. O número de probas PCR realizadas é de 616.297, delas 6.781 no día de onte, cun 7,84% de positividade. Esta semana, de luns a venres, xa levamos 2.233 casos novos de COVID-19 en Galicia, máis que os 2.200 de toda a semana anterior e moitos máis que os 1.400 rexistrados nos seus cinco primeiros días. ÚLTIMA HORA A Consellería de Sanidade notificou este venres tres falecidos vinculados coa pandemia de covid-19 en Galicia, co que xa son 859 as vítimas mortais rexistradas na comunidade. En concreto, os falecidos son un home de 79 anos que se atopaba ingresado no Hospital Clínico de Santiago, unha muller de 71 do Complexo Hospitalario Universitario da Coruña e unha muller de 91 anos usuaria da residencia Os Gozos, de Pereiro de Aguiar.