REPUNTE DE CONTAXIOS E 7 MORTES NA ACTUALIZACIÓN DE HOXE

169 novos contaxios en Galicia e 8468 casos positivos en total.
Repunte de contaxiados en Galicia, co maior dato de casos novos desde o 11 de abril. O crecemento en porcentaxe mantense baixo, de só o 2,03%.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 6.416, deles 1.417 son da área da Coruña, 610 da de Lugo, 1.293 da de Ourense, 515 da de Pontevedra, 1.162 da área de Vigo, 1.063 da de Santiago, e 356 da de Ferrol.

Do total de pacientes positivos, 101 permanecen en UCI, 603 están en unidades de hospitalización e 5.712 no domicilio. Polo de agora, en Galicia rexistráronse 1.588 altas de pacientes e 470 falecementos.

O número de PCR realizadas é de 74.419.

Galicia continúa aos poucos freando a escalada da pandemia na Comunidade. Aínda que este luns houbo un lixeiro repunte no número de positivos respecto a os últimos días, ata alcanzar os 6.296 pacientes activos diagnosticados con coronavirus, a boa noticia é que non se produciu ningún novo ingreso en UCI, segundo os datos feitos públicos polo Ministerio de Sanidade. Continúan baixando tanto os críticos como os enfermos que precisan de hospitalización, polo que o groso de positivos permanecen en corentena domiciliaria. Coas cifras de Sanidade na man, en Galicia rexistráronse nas últimas 24 horas 169 novos positivos por coronavirus, ata alcanzar os 8.468, unha cifra na que o Ministerio acumula os contaxios activos, as altas e os falecidos no sistema sanitario. A contabilidade do Estado é incompleta, porque por exemplo non recolle as vítimas en residencias de maiores, dato que diariamente facilita a Xunta. Si apunta o Ministerio unha nova diminución na ocupación de UCI, que pasa de 108 a 101 pacientes, confirmando asi a tendencia á baixa dos últimos días.

O falecemento dunha persoa na residencia Concepción Areal da Coruña elevou a 104 o número de vítimas mortais do coronavirus en Residencias.
A esto hai que sumar o falecemento doutras seis persoas que estaban ingresadas en hospitais elevou a 470 o número de vítimas mortais do coronavirus en Galicia, segundo os datos que trasladou este martes a Consellería de Sanidade.
Trátase dun home de 84 anos de idade, ingresado no Complexo Hospitalario Universitario de Ferrol; e dun home de 92 anos, outro de 84 anos e outro de 80 anos, todos ingresados no Complexo Hospitalario Universitario de Santiago. Un home de 91 anos, ingresado no Hospital Comarcal de Monforte (Lugo); e dun sexto home, de 72 anos, que estaba a ser atendido no hospital vigués Povisa. Todos eles con patoloxías previas. Con esta actualización, o número de falecidos en hospitais galegos como consecuencia da COVID-19 é de 366 persoas: 107 na área sanitaria da Coruña, 72 na área de Vigo, 70 na área sanitaria de Ourense, 56 mortes na área sanitaria de Santiago, 23 na área de Ferrol, 24 na área de Lugo e 14 na área sanitaria de Pontevedra.