165 novos contaxiados reportados hoxe en Galicia sobe a cifra total de infectados a 7873 desde o principio da pandemia. O número de novos casos é superior ao dos últimos días, cando foran só de 103 o luns e 111 o martes, e aseméllase aos datos da fin de semana (160 o sábado e 158 o domingo). Aínda así, a porcentaxe de crecemento foi o terceiro máis baixo ata a data: un 2,14%.
En paralelo, segue caendo a presión asistencial: 123 pacientes atópanse en UCI (5 menos), 678 hospitalizados (68 menos) e 5.284 nos seus domicilios. A cifra de falecidos elévase a 405, con 3 novos óbitos: dous na residencia Claudina-Somoza (A Coruña) e outro na de San Pedro de Crecente. As altas chegan a 1.383, 85 máis en 24 horas. Por áreas sanitarias, a repartición é a seguinte: 1.332 na Coruña, 592 en Lugo, 1.203 en Ourense, 501 en Pontevedra, 1.089 en Vigo, 1.025 en Santiago e 343 en Ferrol. Nas residencias, que presentan unha afectación do 3,9%, os usuarios infectados son 956, e os profesionais, 422.
As PCR realizadas na Comunidade chegan a 53.829.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.