MELLORAN OS DATOS DIARIOS DE FORMA IMPORTANTE EN GALICIA

O Ministerio de Sanidade informa este venres a morte doutras nove persoas por mor do coronavirus, o que levou o número total de mortes a 318. As últimas mortes, todas con patoloxías previas e cuxa franxa de idade estivo entre os 59 e 90 anos rexistráronse na Coruña, Santiago, Verín, Valdeorras e Lugo. Desa suma de 318, 253 persoas perderon a vida nos hospitais, mentres que o resto fixérono en residencias. Outras catro persoas faleceron en residencias nas últimas horas.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 5.631, deles 1.151 son da área da Coruña, 571 da de Lugo, 1.082 da de Ourense, 469 da de Pontevedra, 1.074 da área de Vigo, 963 da de Santiago, e 321 da de Ferrol.

Do total de pacientes positivos, 149 permanecen en UCI, 766 están en unidades de hospitalización e 4.716 no domicilio. Polo de agora, en Galicia rexistráronse 997 altas de pacientes e 318 falecementos. O total de casos rexistrados en Galicia é de 6946

O número de PCR realizadas é de 39.432.

Datos dos centros residenciais de servizos sociais

O número de casos de coronavirus detectados en centros residenciais de servizos sociais de Galicia supoñen o 3,5% do total das persoas residentes.

Respecto das 4 persoas falecidas onte en centros residenciais, 1 foi na residencia DomusVi San Lázaro (Santiago de Compostela), 1 na residencia N.S. Fátima (O Barco de Valdeorras, Ourense), 1 na residencia N.S. de la Esperanza (Ourense) e 1 na residencia DomusVi Cangas.

Os datos de centros residenciais de servizos sociais corresponden aos que achegan con carácter diario os propios centros.

É evidente o efecto das medidas de confinamento para conter a pandemia.