A CIFRA DE MORTOS EN GALICIA NON BAIXA COMO SE AGARDABA

Os falecidos por COVID-19 na comunidade galega elévanse a 349, tras confirmarse nas últimas horas 2 novos casos rexistrados en hospitais. O Sergas informa de dous novos falecementos en Galicia. Son dous homes, de 70 e 88 anos, que faleceron no CHUF e no CHUAC, respectivamente. Pola mañá informáronse de 13 falecementos en hospitais galegos, polo que a cifra no día de hoxe en complexos hospitalarios elévase en 15 mortos, e 6 en residencias. Mañá coñeceranse os datos de hoxe en residencias. Os mortes en hospitais e en residencias sitúanse en 276 e en 73, respectivamente. Este sábado pola mañá confirmáronse 13 novos casos en hospitais. En concreto, trátase dun home de 97 anos no Hospital do Barbanza, outro de 84 anos no centro compostelán A Rosaleda e unha muller de 90 no Complexo Hospitalario de Santiago. Tamén faleceu unha muller duns 87 anos ingresada no Hospital de Valdeorras e dous homes, de 79 anos e 57 anos, no Complexo Hospitalario de A Coruña. Os demais son, dous homes, de 84 e 97 anos, no Complexo Hospitalario ourensán; catro mulleres de 86, 82, 83 e 97 anos no Chuvi e outra de 94 anos ingresada en Povisa. Os trece presentaban patoloxías previas.
O cómputo de falecidos en hospitais sitúase, así, en 276 desde o inicio da pandemia en Galicia. Deles 79 producíronse na área sanitaria da Coruña, 58 na de Vigo, 54 en Ourense, 39 en Santiago, 17 en Ferrol, 18 en Lugo e 11 falecidos na de Pontevedra.