NOVO FALECEMENTO, AGORA EN PONTEVEDRA

Nova vítima mortal por coronavirus en Galicia, 16 en total. Trátase dun home de 72 anos, que estaba ingresado no Hospital Quironsalud Miguel Domínguez de Pontevedra. Tamén tiña patoloxías previas. A UME intervirá en residencias de maiores A Unidade Militar de Emerxencias ( UME) intervirá en todas as residencias de maiores que o necesiten, informou o Ministerio de Defensa este domingo. Estes centros convertéronse nun punto de preocupación máxima #ante os últimos brotes.

Baixas para médicos xestantes O Consello Galego de Colexios Médicos chama á Consellería de Sanidade a adoptar dúas medidas no caso de médicos gestantes: teletraballo, se é posible, e en caso de non ser factible, considerar a baixa laboral, para que «non deban expoñerse a un risco innecesario». A través dun comunicado, o Colexio explica que Sanidade contestou que se está facendo «o posible por adaptar o posto de traballo para evitar risco á muller embarazada».