NACIDAS LIBRES MAÑÁN NA XUVENTUDE

Catro actrices que atravesan unha idade na que corren o risco de non atopar papeis femininos e non poder seguir dedicándose ao mundo do espectáculo. Son as protagonistas de "Nacidas libres", do autor Cándido Pazó, a obra que mañá se representa no Auditorio da Xuventude dentro do ciclo Teatro de Outono do Concello de Cambados

"Nacidas libres" Narra a historia destas catro mulleres que, fartas de non recibir ofertas de traballo, deciden autoemplearse e montar unha peza partindo da noticia aparecida nos xornais sobre o rescate por parte da Policía de tres monxas indias retidas contra a súa vontade nun convento de clausura en Santiago.

Dirixida por Cristina Domínguez e coproducida pola compañía Contraproducións, sinala que o argumento ten que ver "con ou noso traballo diario" utilizándose un oficio para falar da vida real e da actualidade. A directora destaca a "fantástica" relación que existe entre as actrices: "Traballamos todas intensamente. Son mulleres comprometidas que conseguen crear, defender e contar a historia de personaxes cribles".

Sobre o escenario estarán, no papel destas catro mulleres, Susana Dans, Casilda Alfaro, Rocío González e Mónica Camaño. Dans explica que a obra fala da liberdade das mulleres e está feita por mulleres con certo grao de humor. Casilda Alfaro fai referencia a unha das frases da obra: "Que se diga que algo non e verdade tampouco significa que sexa mentira". A actriz, sinala que se trata dunha obra que ten emoción, que fai reflexionar e que ten humor.

Pola súa banda Rocío González destaca o compromiso e a reflexión das catro actrices sobre o que acontece na realidade e que o público que acuda gozará dun espectáculo ameno e divertido. Mónica Camaño, que completa o elenco de actrices faise a pregunta de se realmente nácese libre. Anima á xente para acudir ao teatro porque "todo acto cultural sempre é bo e achega cousas positivas", pero ademais móstrase convencida de que a peza "vai ser do agrado dá xente; ou pasará ben, unhas veces ríndose e outras, emocionándose".

Mañán 14 de outubro as 8 da tarde.