"LEIRO". O CAC MÁLAGA PRESENTA A PRODUCIÓN DO CAMBADÉS REALIZADA NO SÉCULO XXI

Esta exposición aberta no Centro de Arte Contemporánea de Málaga, CAC, comisariada polo seu director, Fernando Francés, reúne máis de corenta obras realizadas por Francisco Leiro (Cambados, Pontevedra, 1957) no que vai de século XXI, cando a realidade pasa a ser unha ficción máis: unha construción das persoas, onde Leiro executa un xogo de ambivalencias entre a linguaxe literal e o figurativo. "As miñas esculturas viran en torno ao corpo humano e xeralmente son narrativas. Nalgúns casos, di, achéganse ás fábulas e narracións populares. Tamén fago interpretacións desacralizadas de temas mitológicos ou relixiosos".

Leiro formou parte na década dos 70 do grupo surrealista Foga e celebrou a súa primeira exposición individual na Sociedade Cultural de Cambados  en 1975, aos 18 anos de idade; a finais dos 80 trasládase a Nova York, interesándose pola abstracción, e facendo camiño conxuga trasuntos mitológicos que se constitúen en realidade, como sucede na historia da humanidade. Na exposición poden verse obras de temática social, tratando as guerras, desastres ou a violencia, entre outros. As obras "Requiem" (2005), "Operario" (2009), "Alepo" (2016) sitúannos en masacres e guerras. E "Don Quixote mallado por uns arrieros" (2005), tres figuras dan unha malleira ao ilustre fidalgo manchego Para o comisario da exposición, Francisco Leiro "é claramente un dos firmes exemplos de cando a arte é compromiso coa vivencia e o pensamento autobiográfico. Leiro comprométese, de empapa da realidade, dos masacres, das inxustizas, dos asasinatos, da desmesurada violencia que existe para trasladalo ás súas esculturas".

A exposición "Leiro", preséntase no Centro de Arte Contemporánea de Málaga, CAC, ata o 7 de xaneiro de 2018.