"CUIDAR, CUIDARTE" EN CAMBADOS DA AS CHAVES PARA ENVELLECER CON SAÚDE

A xornada, que tivo lugar na adega Condes de Albarei, forma parte do programa "Cuidar, cuidarte" que desenvolven AGACA e Obra Social "a Caixa"

Manterse activo a nivel físico e psicolóxico, non descoidar as actividades sociais e recoñecer os signos do tempo para que tanto a propia persoa como as da súa contorna poidan adaptarse aos cambios asociados á idade cos menores contratempos foi o tema central da Xornada celebrada na adega Condes de Albarei (Cambados) coa que arrinca o programa "Cuidar, cuidarte", que continuará noutras cooperativas galegas.

AGACA e Obra Social "a Caixa" crearon a iniciativa en resposta á numerosa poboación de idade avanzada que se rexistra en Galicia. No medio rural galego son habituais os fogares con persoas maiores en situación de dependencia, cuxa coidados son desempeñados por mulleres da familia, segundo desprendeuse da intervención da técnico en Igualdade de AGACA Ruth Rodríguez.

Neste sentido, as especialistas Marisol Suárez e Silvia Fondo ofreceron recursos para mellorar e facilitar a atención a estas persoas. Mostraron medidas de seguridade no fogar, vestimentas manexables, exercicios ou alimentación, e indicacións de tipo emocional e psicolóxico, como non descoidar o contacto físico nin a comunicación cos maiores, a quen beneficia manter as súas relacións sociais: "Fai falta coidarse uno mesmo para poder coidar aos demais", resaltou Fondo.

Compromiso social

A charla contou con moi boa recepción por parte das asistentes, que solicitaron que se repita. Dolores Calvo, presidenta de Condes de Albarei, agradeceu a implicación das socias nas iniciativas da entidade: "Vós dádesnos motivos para seguir adiante", afirmou.
Durante a inauguración da xornada, Constantino Cordal, concelleiro de Asuntos Sociais, Sanidade e Terceira Idade de Cambados, destacou "a clara dimensión social do goberno municipal, que conta con orzamentos para medidas sociais".

"Cuidar, cuidarte" conta co apoio de Obra Social "a Caixa": "Estamos moi satisfeitos co desenvolvemento da xornada. Obra Social "a Caixa" conta con 9 millóns de euros de orzamento para actividades sociais en Galicia", destacou Manuel Jesús Márquez, director de área de Negocio Pontevedra Norte de CaixaBank.