O XUVEN VOLTA A XOGAR FORA

Co 'average' favorable respecto a Lucentum, o líder Sammic recibe a un ascendente Xuven Cambados. Os galegos, tras sumar nas Illas Afortunadas e en Vitoria, demostran xogar sen complexos lonxe do Pombal. A súa sexta praza, cun 50% de vitorias-derrotas, habilítao comodamente na súa segunda tempada en Prata e invítao a cotas maiores, como a do domingo en Azpeitia. Os vascos, en estado de graza, aproveitarán a inspiración de Arruti e Uclés para seguir sumando, co apoio dunha sempre fiel afección. O equilibrio e a solvencia que dan atrás Mayer e Garrett volverán ser un valor seguro para que o resto do grupo funcione con tranquilidade e frescura.

A seguir: Interesantes duelos no interior -'Chufi' Rodríguez vs Michael Mayer- e no exterior -Arruti vs Taylor García-.
O dato: Terceiro en valoración é o líder da categoría, con 83 por partido. Un dato máis que reflicte que en Azpeitia se están a facer moi ben as cousas.

O PARTIDO MAÑÁN AS 18:00 HORAS