DETEÑEN A TRES PERSOAS CON MATERIAL ROUBADO EN CAMBADOS

A Garda Civil detivo a D.C, de 31 anos de idade, a D.M., de 26 e a C.C., de 24, os tres de nacionalidade romanesa e sen domicilio coñecido en España, como supostos autores de cinco furtos en distintos establecementos da localidade de Cambados.

Durante o desenvolvemento dun control de seguridade establecido por compoñentes do Posto Principal da Garda Civil de Cambados na vía rápida do Salnés, intercéptase un vehículo marca Opel, modelo Astra, no que viaxaban os tres detidos.

Unha vez identificados procedeuse a un recoñecemento do turismo, localizando un bolso de muller cun recubrimento no seu interior de papel de aluminio, que adoita ser utilizado para sacar produtos dos establecementos comerciais sen seren detectados polas alarmas.

Tamén no referido vehículo portaban numerosos efectos como: camisas, chándales, zapatos, sprays de laca, botellas de champagne, GPS, e varios produtos de hixiene corporal e paquetes con alimentos, non podendo acreditar a lícita procedencia destes.

Por todo iso os axentes procederon á súa incautación e á detención dos ocupantes do vehículo que foron trasladados ás dependencias oficiais do Posto Principal da Garda Civil de Cambados, onde continuando coa investigación se puido determinar que os devanditos obxectos son o resultado de cinco furtos perpetrados polos detidos en distintos centros comerciais do caso urbano de Cambados.

Os detidos serán, xunto coas dilixencias instruídas, entregados ao Xulgado de Instrución número 1 de Cambados.

Fonte: Pontevedra Viva