LOUZÁN, PUBLICIDADE, CARTOS E POUSADAS

As Pousadas do Salnés veñen con publicidade gratis.  Quen opte ao concurso para a adxudicación das Pousadas que sepa que Louzán está buscando que poidan sair pola tv esas maravillas que construeu e así poder licitalas co reclamo de "la Vuelta". Así se desprende tras ver o percorrido (sen pechar, polo que pode variar ata que sexa definitivo) da primeira das etapas de "la Vuelta" a España 2014 que pasará pola provincia de Pontevedra e que foi desvelado este sábado pola Deputación.

Esta etapa, que se disputará o xoves 11 de setembro, terá como punto de partida A Estrada e final xunto ao campo de golf de Monte Castrove, no municipio de Meis.

Polo medio a caravana multicolor percorrerá ata 15 concellos da provincia, xa que dende A Estrada se dirixirá a Cuntis, Moraña, Caldas de Reis, internarase nas bisbarras do Salnés e Arousa pasando por Vilagarcía e Cambados entre outros municipios para dirixirse en última instancia ao Monte Castrove pasando previamente polo Mosteiro da Armenteira.

A Deputación anunciou ademais que traballa coa empresa organizadora, Unipublic, para
pechar o percorrido dunha segunda etapa na que terá máis peso o sur da provincia.

Será o cuarto ano consecutivo que a volta ciclista conte con algunha das súas xornadas en Pontevedra, o que supoñerá tamén o aloxamento da caravana da proba durante tres noites en hoteis da zona.